AF268: 75r

üzre qarşularında ṭurur idüm bendelerine baqub tebessüm eylediler ve hīc nesne buyurmadılar ṣoñra bir kimesnenüñ menzili ve irtifāʿı vaṣfında // şöyle edā ėtdi ki sarāy‑i ʿāmire ayaġ altındadur bunda daḫı mübārek başların qaldurub bu qullarına nigāh eylediler // gitdügi gibi buyurdılar ki man ʿayyara aḫāhu bi‑ḏanbin lam yamut ḥattā yartakibahū ḥadīs̱ine ʿaceb maẓhar oldı illere daḫīl ėdüb // gendüsini daqīqa‑şinās ʿadd ėtdügi muqābelesinde bir sāʿatde iki ḫaṭā eyledi dėyü buyurdılar ḥikāyet // bir gün dīvāndan içerü ġażab‑nāk gelüb tebdīl‑i cāme ėtmedin ġażablarından bir zemān içerü ṣaffada ṭolanub ḥareket // buyurdılar eks̱eriyyā ġażabları zemānında öyle ėderler idi āḫir buyurdılar ki hele Ferhād Ferhād İskenderi ḥimāyet ėdüb // qorursın inşāʾa llāh birbirüñüze qarşu aṣılduġuñuz zemānda görüle ki ḥimāyetüñ ne fāʾide ėde meger Ferhād Paşa İskender Celebiyi ki // ol zemānda kitābdan idi ṣoñra ʿaẓīmü l‑qadr defter‑dār olmışdur dāyimā ḥimāyet eyler‑idi ol gün daḫı öyle // vāqiʿa olub kelāmını mebnī bir ʿarż görmegin bī‑ḥużūr olmışlar hem buyurduqları gibi ṣoñra sulṭān‑i behişt‑mekān Sulṭān Süleymān // ʿahdinde Ferhād Paşa maqtūl ve İskender Celebi maṣlūb oldı ḥīkāyet sāl‑i vefātlarında vüzerā vü erkān Rodos // fetḥine teveccüh‑i sulṭānī teveccühine sāʿī oldılar ve esbāb‑i sefer tedārükin gördiler bir gün merḥūm pādişāh ḥażretleri ḥażret‑i Ebū Eyyūb // Anṣārī ziyāretine buyurdılar Eyyūb qapūsından ṭaşra çıqduqda ters‑ḫāne cānibinde ṭob atıldı sebebinden suʾāl buyurduqda // qapudan gemisin deryāya ṣaldılar anuñ şenligi dėdiler ġażab ėdüb kimüñ emri ile gemi ṣalarlar dėyüb boynı urulsun // dėyü buyurdılar ėrtesi vüzerā şefāʿat ėdüb taḫlīṣ ėtdiler lākin vüzerāya ʿıtāb‑i küllī ėdüb buyurdılar ki beni kāfir // gümültesine iletmek istersiz aña deger‑mi ki varam daḫı fetḥ‑i düşvār ola sizüñ gibi tedārükli vezīrler‑ile fetḥ olunacaġı // daḫı maʿlūm degül niçesi fetḥ ėdersiz ki esbābını tedārük ü iḥżār ėtmedüñüz ve ʿırż‑i salṭanet aña taḥammül ėder‑mi // bir qalʿe pāresine biẕẕāt varılub fetḥinde ʿösret ü zaḥmet firāvān çekile ehemm‑i esbāb‑i fetḥ‑i ḥiṣār bārūtdur qaç // aylıq ẕaḫīre bārūtuñuz vardur cevāb vėrüñ dėyü ḫiṭāb buyurduqda vüzerāya ḫayret ġalebe ėdüb müstaḥżar cevāb // olmayıcaq ʿunf u ġażab ile buyurdılar yā sizüñ tedbīrüñüz ile qalʿe fetḥine varmaq ʿāqilāne ḥareket‑midür varuñ // taḥqīq‑i ḫaber ėdüñ ve yarın ʿarż eyleñ dėyü fermān buyurdılar ėrtesi gelüb dėdiler ki dört buçuq niḥāyet beş aylıq // bārūtumuz ḥāżırdur buyurdılar ki imdi siz anı beş ayda degül altı ayda daḫı alımazsız yedi ayda daḫı alımazsız // sekizde yā ṭoquzda Allāhu aʿlam alınsa [?] olur bu tedārükle anda varılmaz behey [?] kişiler benüm seferüm yoq meger āḫiret dėyü // ṣūret‑i ġażab ile mübārek vechlerin vüzerādan çevirdiler fī l‑vāqiʿa ol es̱nāda Edirne cānibine teveccüh buyurub // yolda riḥlet ėtdiler ve ṣoñra ʿahd‑i Süleymān Ḫānı ve ṭoquzıncı ayda fetḥ olundı ḥikāyet fāżıl‑i Rūm cāmiʿ‑i maʿārif